IMAN: 300 ta hamkor do'konga reklama tarqatish tizimi — 5 kunda

IMAN ning nasiya xizmati ko'pchilikka tanish emas. Uni targ'ib qilish uchun 300 ga yaqin hamkor do'kon bilan shartnoma bor. Ular orqali reklama materiallari (banner, broshyura, nakleyka, pauchok) tarqatilmoqchi.

Muammo — bu jarayonni boshqarish juda murakkab:

• Oyda bir marta 300 do'kondan 20-30 tasini tanlash kerak
• Har bir do'konga borib, qaysi materialdan qancha qo'yish kerakligini aniqlash kerak
• Har bir materialning narxi bor, jami byudjet hisoblanishi kerak
• Bu ma'lumot moliya bo'limiga borib, tasdiqlanishi kerak
• Keyin poligrafiyaga buyurtma beriladi

Bu jarayon ma'lumotlar har xil joyda sochilib yotishi sababli sekin va xatoli edi.

IMAN uchun reklama materiallari boshqaruv tizimi yaratildi:

• Do'kon va filiallar katalogi — 300+ hamkor, har biri uchun manzil, kontakt, filiallar ro'yxati.
• Material tanlash (savat) — xodim filialga borganda, internet-magazin kabi materiallarni tanlaydi. Har biriga miqdor kiritadi, tizim narxini avtomatik hisoblaydi.
• Zona bo'yicha taqsimlash — materiallar exteryer, interyer, mahsulot yoni, va boshqa zonalarga bo'lingan. Har zonaga mos materiallar.
• Moliyaviy tasdiqlash oqimi — barcha filiallar yig'ilgach, jami PDF shakllanadi. Moliya bo'limi ko'radi, byudjetga moslashtiradi, tasdiqlaydi.
• Poligrafiyaga uzatish — tasdiqlangan ro'yxat poligrafiyaga tayyor formatda chiqadi.

1. Tahlil (1 kun) — IMAN marketing va moliya jamoalari bilan uchrashuv. Joriy jarayonni xaritalash.

2. Loyihalash (1 kun) — ma'lumotlar modeli (brendlar, filiallar, materiallar, zonalar, buyurtmalar).

3. Ishlab chiqish (3 kun) — material tanlash interfeysi, narx hisoblash, PDF generatsiya, moliya tasdiqlash oqimi, admin panel.

4. Test va topshirish (yarim kun).

Jami: 5 kun.

✅ Butun jarayon bitta tizimda — do'konga borishdan poligrafiyaga buyurtmaga qadar.

✅ Moliya byudjetni aniq ko'radi — har bir filial va umumiy summa PDF da.

✅ Materiallar zonalarga bo'lingan — xodim nimani qayerga qo'yishni aniq biladi.

✅ Keyingi versiyada AI — filial hajmi va savdosiga qarab tizim o'zi qaysi materiallarni qo'yish kerakligini maslahat beradi.