Ko‘pchiligimizda yaxshi g‘oyalar bor, lekin dasturchi topish, byudjet va muddat — hammasi to‘siq. No-code platformalar esa “kod yozmasdan” vizual interfeyslar orqali sayt, ilova va avtomatlashtirishlarni tez yig‘ishga imkon beradi. Ishdan keyingi choy-kofe vaqtida ham boshlash mumkin.
No-code kimga foyda?
Yangi biznes boshlayotganlar: tez MVP, minimal xarajat, bozordan tez feedback.
Kichik va o‘rta kompaniyalar: CRM, e‑commerce, ichki jarayonlarni avtomatlashtirish.
Marketing va savdo jamoalari: kampaniya, forma, bot va integratsiyalarni tez ishga tushirish.
Eng ko‘p beriladigan savol:
-“Qaysi no-code menga to‘g‘ri keladi?”
-”Qaysi turdagi platformani tanlash kerak?”
Javob — maqsadga bog‘liq.
Veb-sayt va e‑commerce: Webflow — vizual dizayn, kuchli CMS, kerak bo‘lsa kod bilan kengaytirish.
Mobil ilovalar: Bravo (Figma’dan nativ app), Thunkable va Draftbit — drag‑and‑drop bilan tez MVP.
Ma’lumot va avtomatlashtirish: Parabola va Zapier — API, Google Sheets, Shopify, CRMlar bilan bog‘lab, jarayonlarni avtomatlashtirish.
Chatbot va ovozli agentlar: Voiceflow va Landbot — mijozlar bilan muloqotni tez sozlash.
Ma’lumot bazasi va ichki ilovalar: Airtable, Coda, Glide, Softr — jadvalni ilovaga aylantirish.
To‘g‘ridan-to‘g‘ri sotuv/ijodiy mahsulotlar: Gumroad — kurs, rasm, audio, PDF’ni tez sotish.
To‘liq web‑app qurish: Bubble va Adalo — murakkab logika, ro‘yxatdan o‘tish, rollar va database.
Bu platformalar O‘zbekistonda ishlaydimi?
Ha. Ko‘p integratsiyalar global bo‘lsa-da, bizda ishlovchi ekotizim bor: to‘lovlar (Payme, Click bilan gateway orqali), messenjerlar (Telegram botlari), ERP/CRM (mahalliy va global), hamda IT Park ekotizimi rivojlanmoqda. Demak, no‑code yechimlar real biznes jarayonlariga ulangan holda ishlashi mumkin.
Misollar (tezkor yo‘nalishlar)
Ichki jarayon: Glide + Airtable bilan ombor hisobini mobil ilovaga aylantirish.
Marketing: Typeform so‘rov + Zapier orqali CRMga yetkazish, Telegram botidan lead yig‘ish.
E‑commerce: Webflow vitrina + to‘lov integratsiyasi + Parabola bilan yetkazib berish jarayonini avtomatlashtirish.
Qo‘llab-quvvatlash: Landbot orqali sayt chatboti, tez savollarni filtrlab operatorga yo‘naltirish.
No-code “anti-code” emas
Ba’zida yuqori yuklama, xavfsizlik, yoki maxsus integratsiya kerak bo‘ladi — shu joyda “low-code” yoki toza kod bilan kengaytiramiz. Muhimi: 80% ishni tez bajaring, 20% ni kod bilan mustahkamlang. Kofe sovib qolmasin, ya’ni jarayon cho‘zilmasin.
Qisqa roadmap
Maqsadni yozing: saytmi, ilovami, avtomatlashtirishmi?
Integratsiyalar ro‘yxati: to‘lov, CRM, Telegram, Google Sheets…
Platformani tanlang: yuqoridagi bo‘limga qarang.
1‑hafta MVP: minimal funksiyalarni ishga tushiring.
O‘lchang va takomillashtiring: tez feedback, keyin kod bilan optimizatsiya.
Yakuniy fikr
No‑code yordamida g‘oyalarni tez sinab ko‘ramiz, xarajatni nazorat qilamiz, va bozorga tez chiqamiz. Kerak joyda kod bilan kuchaytirib, performansni ushlab turamiz. O‘zbek bozorida tezlik va soddalik yutadi — murakkabni keyinroq qilamiz.
Tavsiya qilamiz